واحد شاي
مطرب رومانسي
ايه الهبل اللي انت بتعملوا ده
مودي
ده انا بغني راب
مطرب رومانسي
هو انت بتسمي ده غنا ؟
مودي
هو مش غنا بالمعني المفهوم هو نوع من الفن يعتبر زي صرخه و معترك كلامي مميز بالتخلص من قيود اللحن و الارتباط بالكلمات الرومانسيه دوما
مطرب رومانسي
بس الرومانسيه هي الحياه
مودي
ده عندك انت .. جايز
مطرب رومانسي
ابقي قابلني بالراب و التنطيط بتاعك .. الرومانسيه هي الاحساس
شوف الكلمات المعبره .. بحبك و مبنامش الليل من حبك
مودي
ابقي نام شويه العصر يا خويا
مطرب رومانسي
و ايه اللي مش عاجبك في الرومانسيه
مودي
حد قال انها مش عاجباني .. انا بقولك في موضوعات تانيه اهم .. زي السياسه و الفلسفه و حاجات ممكن انها تتقال في اغاني لكن احنا خلاص خدنا علي الرومانسيه الحمضانه
مطرب رومانسي
طب متجيبلي واحد شاي علي حسابك
مودي
ارحل و لا تعد
واحد خروب يا باشااااااا
ما علينا
posted by Mody Rap @ الأحد, ديسمبر ٢٤, ٢٠٠٦
3 comments
3 Comments:
الأغاني في كل حته
ليها مليون ألف لون
و أحنا أغانينا ف جاكتة
لابسة نفس البنطلون
حب و عتاب و إنتحار
أو هيام و عذاب و نار
أو عنب و كلام خضار
فجل و لمون
KING TOOOT
تتلاقي العقول و لا تتلاقي العيون
يزول الخمول بنشاط كان او بدون
يصدأ الكلام و لا يظهر الجديد
يذهب الابداع , ياتي الزيف البليد
مودي راب
حلوة القافية اللي دخلتوها لبعض دي :)
إرسال تعليق
<< Home