السبت، أكتوبر ٢١، ٢٠٠٦

معجزة عقبة

عقبة بن نافع
لو تسمع عن الاسم ده
يعد من ابرز فرسان الاسلام الاوائل
و يعتبر اشهر قائد اسلامي في مرحلة الفتوحات الاسلاميه في ارض افريقيا
لما وصل عقبة بجيوش الاسلام الي ارض تونس قرر بناء مدينة القيروان الشهيرة
اللي فيها دلوقت مسجد باسمه
و الموضوع ده كان متربط بمعجزة لعل اكثركم لا يعلم عنها شيئا
اترككم مع التفاصيل
قرر 'عقبة بن نافع' بناء مدينة القيروان فى القرن الشمالى الإفريقية فى مكان تتوافر فيه شروط الأمن الدعوى والحركى للمسلمين بحيث تكون دار عزة ومنعة وقاعدة حربية أمامية فى القتال ومنارة دعوية علمية لنشر الإسلام، وانطبقت كل الشروط المطلوب توافرها فى منطقة أحراش مليئة بالوحوش والحيات، فقال له رجاله [إنك أمرتنا بالبناء فى شعاب وغياض لا ترام، ونحن نخاف من السباع والحيات وغير ذلك من دواب الأرض]، وكان فى عسكره خمسة عشر رجلاً من أصحاب رسول الله صلى الله عليه وسلم فجمعهم وقال إنى داع فأمنوا، وبالفعل دعا الله عز وجل طويلاً والصحابة والناس يأمنون،، ثم قال عقبة مخاطباً سكان الوادى [أيتها الحيات والسباع، نحن أصحاب رسول الله صلى الله عليه وسلم، فارتحلوا عنا فإنا نازلون، ومن وجدناه بعد ذلك قتلناه] فحدثت بعدها كرامة هائلة حيث خرجت السباع من الأحراش تحمل أشبالها والذئب يحمل جروه، والحيات تحمل أولادها، فى مشهد لا يرى مثله فى التاريخ فنادى عقبة فى الناس [كفوا عنهم حتى يرتحلوا عنا] وهكذا يصل الإيمان والثقة بالله عز وجل لهذا المستوى الفائق من اليقين بنصرة الله عز وجل وتأييده ومدده، فهذا هو البطل المجاهد يصل به الإيمان والكرامة لئن يتكلم مع الحيوانات البهائم التى لا تعقل ولا تفهم، فيطيعونه ويسمعون أوامره، وهكذا يصبح الكون كله ومن فيه مسخراً لخدمة المجاهدين وغايتهم السامية
شوف الايمان
وشوف احنا فين حاليا

7 Comments:

At ٢:١٣ م, Blogger Sampateek said...

اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي

 
At ٤:٤٩ م, Blogger ROMIL said...

كل ساعه كل يوم كل أسبوع كل شهر كل عام و انت بألف خير

 
At ٧:٤٧ ص, Blogger ALiaa said...

بحيث تكون دار عزة>>>> العزة دي أكتر حاجة مفتقداها في عالمنا العربي
كل عام و انتم بخير

 
At ٢:١٩ م, Blogger يا مصر اكتب إليكي رسائلي said...

كل عام وانت بخير وصحه وسعاده ومزاج رايق ، كل عام وانت محقق كل امانيك ، كل عام وانت نجم عالى وقلب طيب. تحياتي وكل عام وانت بخير

 
At ٥:٠٤ م, Blogger عماد حبيب said...

حرام يبقى شاب في سنك المفروض أنه مثقف و واعي و ينشر و يصدق حواديث من هذا الصنف، معجزات ايه و اصحاب الرسول ايه؟

اذا كان الرسول نفسه لم يكن له معجزات.


الى اي مدى وصل نظام تعليمكم المتخلف و فلوس الوهابية و الأزهر و زغلول النجار و أمثاله لتعطيل عقولكم،

فعلا صدق علاء الاسواني
:
نحن في زمن المسخ

اسف لتعليقي العنيف فانا ابن القيروان و لكن لم استغن عن عقلي بعد

تحياتي

 
At ١١:٢٨ ص, Anonymous غير معرف said...

ايه ايه عندك يا مستر عماد احنا هنلبخ ولا ايه انت مش من حقك تنقض اى دين سماوى او غيره او اى معتقدات كمان دى مش حواديت دى اسمها سيره ووقائع

 
At ٨:٤٦ م, Blogger Mody Rap said...

السلام عليكم

كلبوزة لكن سمباتيك
ROMIL
ALiaa
يا مصر اكتب إليكي رسائلي

شكرا للمرور في مدونتي المتواضعه

استاذ عماد حبيب
قبل ما اعلق هنا زرت مدونتك اولا
و بقيتك شاب عندك 37 سنة و عندك العقل الكافي لتدرك ان الكلام في الاديان لا يعود بأي فايده علي اي طرف و من خلال اسمك و اضح انك نصراني او حتي ملحد مش مهم عندي لأني مش بهاجم الديانه النصرانيه عشان لكم دينكم و لي دين
لكن لو انت ملحد بقي ده موضوع تاني
و بعدين بتقولي الي اي مدي وصل تعليمكم المتخلف
ماشي يا سيدي منا عارف ان تعليمنا معظمو متخلف .. مين يعني قال لسعادتك اننا دولة عظمي بتتيع المنهج العلمي
لكن انت بتقول انك ابن القروان و مكتوب عندك في البروفيل من فرنسا
يعني معندكش اصلا انتماء لحاجه لانك حتي لو عايش بفرنسا برضه تكتب مسقط رأسك اللي انت مستعر منه
و لهجتك مصريه ليه مش فاهم
من ناحية المعجزات بقي دي حاجات انا مش جايبها من من العصفورة ده كلام موجود في الكتب و المراجع التاريخيه لو كنت سعادتك غاوي قرايه ابقي روح بص و اعرف اني مش جايب الكلام من من عند ام سمير
انت لو عندك خلفيه في المناقشه تقدر تتكلم و تقول اللي انت عاوزه لكن تخش ترمي بؤين حمضانين زي الجماعه الملاحده
يبقي معتقدش اني هعد ارد عليك بعد كده

شكرا انونيمس للمرور

 

إرسال تعليق

<< Home