الخميس، أكتوبر 04، 2007

لا تندم على حب عشته




حتى ولو صارت ذكرى تؤلمك فإذا كانت الزهور قد جفت وضاع عبيرها ولم يبقى منها غير الأشواك فلا تنسى انها منحتك عطراً جميلاً أسعدك وإذا قررت يوما أن تترك حبيباً فلا تترك له جرحاً فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه وما أجمل أن تبقى بيننا لحظات الزمن الجميلوإذا فرقت الايام بينكما فلا تتذكر لمن كنت تحب غير كل احساس صادق ولاتتحدث عنه إلا بكل ماهو رائع ونبيل فقد اعطاك قلباً...واعطيته عمر وليس هناك اغلى من القلب والعمر في حياة الانسان واذا جلست يوماً وحيداً تحاول ان تجمع حولك ظلال ايام جميلة عشتها مع من تحب، فاترك بعيداً كل مشاعر الالم والوحشة التي فرقت بينكما حاول ان تجمع في دفاتر اوراقك كل الكلمات الجميله التي سمعتها ممن تحب وكل الكلمات الصادقة التي قلتها لمن تحب واجعل في ايامك مجموعة من الصور الجميلة لهذا الانسان الذي سكن قلبك يوماً... ملامحه وبريق عينيه الحزين... وابتسامته في لحظة صفاء ووحشته في لحظه ضيق... والامل الذي كبر بينكما يوماً وترعرع حتى وإن كان قد ذبل ومات إذا سألوك يوماً عن انسان احببته فلا تقل سراً كان بينكما ولا تحاول ابداً تشويه الصورة الجميلة لهذا الانسان الذي احببته اجعل من قلبك مخبأ سرياً لكل اسراره وحكاياته فالحب اخلاق قبل ان يكون مشاعروإذا شاءت الأقدار واجتمع الشمل يوماً فلا تبدأ بالعتاب والهجاء والشجن وحاول أن تتذكر آخر لحظه حب بينكما لكي تصل الماضي بالحاضر ولا تفتش عن اشياء مضت لان الذي ضاع ...ضاع... والحاضر اهم كثيراً من الماضي ولحظة اللقاء اجمل بكثير من ذكريات وداع موحش واذا اجتمع الشمل مرة آخرى حاول أن تتجنب اخطاء الامس التي فرقت بينكما لأن الأنسان لابد أن يستفيد من تجاربهولاتحاول ابداً أن تصفي حسابات أو تثأر من انسان اعطيته قلبك لأن تصفية الحسابات عملة رخيصة في سوق المعاملات العاطفية ، والثأر ليس من اخلاق العشاق ومن الخطا أن تعرض مشاعرك في الاسواق وأن تكون فارساً بلا اخلاق واذا كان ولا بد من الفراق فلا تترك للصلح باباً الا مضيت فيه اذا اكتشفت ان كل الابواب مغلقة وأن الرجاء لا أمل فيه وأن من أحببت يوماً أغلق مفاتيح قلبه والقاها في سراديب النسيان... هنا فقط اقول لك إن كرامتك أهم كثيراً من قلبك الجريح حتى وإن غطت دماؤه سماء هذا الكون الفسيح فلن يفيدك أن تنادي حبيباً لايسمعك وأن تسكن بيتاً لم يعد يعرفك أحد فيه وأن تعيش على ذكرى انسان فرط فيك بلا سبب في الحب لا تفرط فيمن يشتريك... ولاتشتري من باعك ولاتحزن عليه


الأحد، سبتمبر 30، 2007

فرق كبير



الساحه الغنائيه في اي مكان من المعروف عنها انها لا تعتبر الهواه متواجدين و لا تعترف بهم الا اذا كانو متعاقدين مع شركات انتاج و بينزلو شرايط كاسيت او سيديهات و كليبات و , , , الخ . و من خلال الزاويه دي عاوز اوضح الفرق بين الرابر الاندرجراوند و الرابر الابجراوند ..
بس فيه ملحوظه . المقارنه دي ساريه التطبيق علي اي نوع من المطربين مش بس الرابرز .. بس انا بتكلم عن الرابرز لأن مجالي هو الراب
طبعا فيه فروق كتير جدا .. بس انا هقارن من عدة نواحي
اول حاجه
الشهره
طبعا الشهره كعامل مقارنه اكيد بيصب في مصلحه الرابر الابجراوند و ده لاسباب كتير اولها ان الاعلام معاه .. و الاعلام ده سلاح خارق يقدر يوصل جوه بيتك و يدخل اودة نومك غصبا عنك وده طبعا زي التلفزيون و الفضائيات و الانترنت و شرايط الكاسيت و السيديهات و....و.... الخ . و كقايه التلفزيون .. لكن الرابر الاندرجراوند مش بيكون حيلته من وسائل الاعلام غير الانترنت كسلاح بسيط يقدر من خلاله يقول انا موجود و يقدر يعمل لنفسه جمهور من خلال الانترنت و تقريبا مفيش وسائل تانيه بنفس قوة الانترنت اللي ممكن توصله للشهره . ويمكن نغمات الموبايل تكون عامل لكنه عامل بسيط لا يذكر و احيانا الحفلات لو كان بينظم حفلات .. و بالتالي الرابر الاندر جراوند الناس هو اللي بيدور عالناس و يقولهم انا موجود مش الناس اللي بتدور عليه و بعد كده لما بيعمل لنفسه اسم يقدر انه يشتغل بثقه ..
الامكانيات
و ده تاني عامل برضه بيصب في مصلحة الرابر الاب جراوند لأنه مش مطلوب منه يعمل مزيكا ولا يهندس الصوت ولا يعمل اي حاجه اصلا في حياته غير انه يألف و يغني .. و ممكن كمان ميألفش الشركه المنتجه ممكن تجيب له ناس تألف له .. ده غير تنظيم الحفلات و غير طبعا امكانيات الاستديوهات اللي بيسجل فيها .. يعني امكانيات خرافيه ممكن يعمل بيها اللي هو عاوزو في حياته ..نيجي للرابر الاندر جراوند هنلاقي ايه ! .. طبعا اعتماده كله علي نفسه في كل حاجه ده في حاله ان جيبه فاضي .. لكن ممكن رابر اندرجراوند يبقي جيبه مليان و يصرف علي هوايته لكن النوعيه قليله لسبب بسيط انه لو معاه فلوس كتير تخليه يعمل شغل بامكانيات حلوة .. مش هيدوم كرابر اندر جرواند و علي طول هتلاقيه ظهر الساحه لأن كلو بالفلوس .. ولا فيه حد مش متفق معايا في كده ؟
الرابر كفنان بيغني .. مش مطلوب منه يعمل مزيكا ..مطلوب منه يغني بس ... لكن الرابر الاندر جرواند بالذات لازم يعمل مزيكتو بنفسه ميجيبش مزيكا جاهزه لأنه ميقدرش يغني علي مزيكا جاهزه جايبها من اي موقع و يطلب من الناس ان محدش يغني عليه تاني !! ده تصرف ملوش معني لأن البيتس دي متداوله في كل حته و هو ملوش صلاحيات انه يغني عليها و يقول محدش يغني عليها غيري و بالطريقه دي هتحصل مشاكل و تلاقي كزا رابر اندر جراوند مغنيين علي نفس البيت !! طبعا مهو بيت موجود و اللي عاوزو ينزلو ... لكن لو كل رابر اجتهد و حاول انه يعمل لنفسو مزيكا خاصه بيه .. حتي مش لازم يكون هو اللي بيعملها بس عالاقل ناس تعملو المزيكا و تكون ناس اندر جراوند زيو بالضبط عشان يبقي هو اللي له الصلاحيه انه يغني و محدش يغني تاني علي مزيكتو عشان لأن محدش م هيعرف يجيبها اصلا !
الموهبه ..
و ده اول عامل يصب في مصلحه الرابر الاندر جراوند ..لانه الرابر الاندر جرواند مش من السهل انه يعمل لنفسه اسم و شهره ولو بسيطه من غير وجود موهبه حقيقيه قدرت تفرض نفسها و تخلي الناس تسمعها .. و اتحدي ان فيه رابر اندر جراوند مستواه و حش و قدر يستمر .. الحلو و الوحش في الاندر جرواند بيبان لأن هنا مفيش فلوس و مفيش وسايط و مفيش اصلا وسط تقدر من خلاله انك تفرض نفسك علي حد .. الشغل الجامد بس هو اللي بيفرض نفسه و بيفرض استمراريته .. لكن في الوسط الفني و الرابر الاب جراوند .. غصبا عن اي حد هيتسمر حتي لو ملوش فيها .. و كلو بالفلوس .. و طبعا مش محتاج اشرح اكتر من كده اكيد اللي بيقرأ فاهمني ..
الحرية
الاندرجراوند رابر بيتمتع بحريه خارقه في كلامه و اغانيه و موضوعاته لان مفيش رقابه مصنفات فنيه ولا حد بيقولو لأ مينفعش و لا هيترفع عليه قضايا و لا حد هييجي جنبه لأنه مش مطرب رسمي تابع لشركة انتاج معينه .. عشان كده في الراب الاندر جراوند توقع انك تسمع اي حاجه في اي وقت .. ممكن تسمع شتايم قبيحه و ممكن تسمع كلام جريء في السياسه و ممكن تسمع كلام في الجنس و ....و .... الخ يعني حريه بلا حدود و مفيش قيود علي اي حاجه و طبعا كل رابر اندر جرواند بيكون باين سكته و اسلوبه و بيختار لنفسه طريق معين بيبقي معروف بيه و جمهوره بيعرفوه بيه ...
نيجي للرابر الابجراوند نلاقي فرق شاسع .. و خصوصا في مصر تلاقي طبعا مضطر يتحاشا الكلام في موضوعات كتير اهمها السياسه و خصوصا السياسه الداخليه للحكومه المصريه و النظام المصري لأنه حتي لو عاوز يتكلم عنها الشركه هتقيده و هتفرض عليه شروط في اختيار موضوعاته .. يعني هنا بيبقي فيه نوع من القمع الفني عليه كرابر من حقه يتكلم في اي موضوع هو عاوزو ...
المميزات
مميزات الراب الاندرجرواند .. هو عاملين من العوامل اللي فاتت هي الحريه المطلقه و الموهبه ..لأن الرابر الاندر جرواند ممكن في اي وقت يعمل اغنيه وينزلها و ممكن يعد سنه مينزلش اغاني و ممكن ينزل خمسين اغنيه في شهر واحد .. يعني مش بتفرق الزمنيات معاه في حاجه .. لأنه مش متربط بعقد و لاحد له عنده حاجه .. يغني وفت ما يغني و يبطل وقت ميبطل براحته ... و من مميزات الراب الاندرجراوند كمان انه قريب من الناس و عامه الشعب .. لان اللي بيتكلم ده واحد منهم مش واحد بيه او باشا عايش في وسط غير الوسط بتاعهم .. عشان كده تلاقي المصداقيه عاليه جدا في الراب الاندر جراوند ....
الرابر الاب جراوند مميزاته مالهاش حصر و كفايه الاعلام .. اللي هيشهرو في اي حته غصبا عنو .. و كفايه ان الناس كلها تبقي عارفه شكلو و هيئته عكس الاندر جراوند و طبعا الامكانيات و الاستديوهات .. و الحفلات ... الخ .. بالاضافه لانه هيبقي له حقوق ملكيه في اغانيه و شغله و محدش يقدر يتعدي عليها ..
العيوب
عيوب الاندر جراوند اولها ان الحقوق ساعات بتضيع وممكن رابر ابجراوند يسرق اغنيه من رابر اندر جراوند و ده ميعرفش يعملو حاجه لأنه محدش يعرفو و محدش هيصدقو .. يعني محدش بيحمي الرابرز الاندر جراوند .. و كمان الاندرجراوند ممكن بتسمع في اي حته و محدش يعرف ده مين !.. و ممكن يتظلم في حاجات هو تعب فيها ... لكن مفيش قدامه غير انه يغني لانه بيحب يغني .. هيعمل ايه يعني !!
الاب جراوند عند مشكله جامده في القمع الفني اللي انا اتكلمت عليه .. زائد انه مضطر ينافق في حاجات كتير زي كل الفنانين طبعا .. لانه مش هيقدر يقول رأيه بصراحه في شخصيه معينه او مطرب معين غير بكل خير .. حتي لو هو من جواه مش طايقه .. و بيبقي شخص مثالي زياده عن اللزوم .. تحت شعار انه يكون قدوة للجمهور .. و طبعا كل دي قيود مش بتديله الحريه اللي موجوده عند الرابر الاندر جراوند ...
و بكده انا تقريبا خلصت الكلام اللي عندي في الموضوع ده .. و يمكن اكتشف نقط تانيه اضيفها لكن ده اللي كان حاضر في ذهني دلوقت

بقالي كتير اوي مشربتش خروب

الأربعاء، يوليو 11، 2007

لا تبك .. حتي لا أبكي



و ماذا عساي ان افعل و انا اري هذا الدموع !
قد يتغير تصنيف النوع من شخص لأخر لكنها ...دموع الفراق ..
انك تدخل الي كيان جديد و في البدايه لا تشعر بالالفه التي تنشدها و يهيأ لك انها فترة و سرعان ما تنتهي منها و ترتاح من اعبائها .. لكن الوقت يجيبك بعكس ذلك .. انك تتعايش و تتأقلم و
تحب .. ثم تظهر الحقوق و الواجبات و تقل المسافه التي تربطك بهم .. و تنسي ما كنت تشعر به قديما .. لأنك لا تصبر علي مرور يوم واحد دون رؤيتهم .. و تمر الايام .. ويجعلك حبهم تنسي رؤيتك للمنطق و غياهب الحياة و دوامة التغير التي لا يد لك فيها ..
انها دوامة الحياة التي لا تنتهي .. و التي تنتشل من البشر ما يحلو لها و تلقي ما لا يروق لها ..
ليست ارادتك هي اللي تحكم ..انها الحياة
سيذهب هو .. و ترحل هي .. و يهاجر هو .. و تموت هي
و تبقي انت ... و قد يبقون معك ... لكن مؤقتا...
لا يمكنك ان تفرض رأيك علي
دوامة الحياة ابدا ..
لا تبك
قد يأتي يوم .. و تتذكر هذه الدموع .. ثم تسخر منها .. و تسخر من هذا العقل الذي يبك علي امر لا أذكره ...
اعطني كوب اخر
محمد اسامه

الاثنين، يونيو 18، 2007

انا قادم

انا قادم
اركض اليك ايها التل ملقيا بالماضي من ورائي .. لا اريد ان اتذكر او اعي .. اريد ان اتسلقك
لعلي اري العالم بنظرة اخري ..
لعلي لا اري مزيدا من الالم و الرعب .. لعلي اري بشائر راحة و اطمئنان
لماذا ترتفع هكذا و لا تعبأ بما اقوله او افعله ... توقف ايها التل .. و انتظرني لاصعدك ...كيف اعدو كل ذلك و اجدك عاليا كما انت
لن اعود من حيث جئت فقد قررت ان ابقي معك
عاليا ..شامخا ...
انظر الي الاسفل بسخريه
لن تعيقني هذه الاحجار الصغيره التي تجبرني علي الانزلاق .. و لن اتوتر امام محاولاتك لاثنائي عن قراري ..
الحياة ليست سيئه لكننا نجعلها كذلك ... قد تسوء الامور و نجد الحلول .. لكننا نستلذ بالعذاب
ها أنت قد ظهرت امامي ايها العملاق الصخري و لن يعوقني عنك شيء الان ..
هيا ..
رحب برفيقك القادم اليك .. من دهاليز الارض السفلي ..
( صوت انزلاق قدم بشريه من علي حافة الصخور .. و جسد ادمي يهوي الي
القاع السحيق )
محمد اسامه

عن العشق و الهوي


هي الدنيا كده , كل واحد في دوامة
واحد يقولك تعالي . التاني يقولك بالسلامة
اللحظات الحلوة اللي بنعشيها مبتتكررش
واحد بيشحت و التاني قاعد عالعرش
اقول تمام يا فندم و امرمط كرامتي
و اعيط و ادمع من ورا ابتسامتي

خواطر عاشق .من نوع خاص
محمد اسامه

بتاع كلو



تمثيل و مثلت
غناء و غنيت
رسم و رسمت



يبقي فاضل ايه تاني في الفن
منذ عدة ايام شهور كان افتتاح معرض الفن التشكيلي بكلية الاداب - جامعة المنصورة .. التي هي كليتي و قد شاركت فقط بلوحة واحدة كبداية لدخول هذا العالم .. رغم انني قد سبق لي دخوله .
امر مختلف ان تعرض لوحتك امام الزوار لتري ردود الافعال المختلفة و تطالع كتاباتهم علي مفكرتك التي تركتها لكي
تسمح لهم بترك انطباعهم عن عملك الفني


لقد تركت الفن التشيكي و اعتزلته عام 2000 و كانت اخر لوحة رسمتها انذاك و قررت بعدها عدم الاهتمام بهذه الهواية لأنني بطبعي غير صبور و لا اطيق الاستمرار في ذلك الحقل .
ثم تركت كلية التجارة و التحقت بكلية الاداب .. ورغم عثوري علي سبل كثيرة لتنميه هوايتي في الفن التشكيلي .. الا انني اهملتها تماما و اتجهت الي
موسيقي الراب.. و تعددت محاولاتي حتي نجحت في تسجيل عدة اغاني صارت بداية
للدخول الي عالم الموسيقي و الغناء و تعددت الحفلات




و لكن في احد المرات كنت اتجول في طرقات الكلية و شاهدت بعض من الطلبه يقومون بالتمثيل و سألت عن ذلك فاتضح انه نشاط المسرح !





المسرح ! ... نعم .. ولم لا ؟
حب الاستطلاع ليس الا ... دفعني الي الدخول اليهم كتجربة جديدة لأري ماهية هذا العالم الجديد ..
في اليوم التالي مباشرة كنت اشاركهم العمل و اصبحت عضوا اساسيا في
فرقة المسرح ..
و الان و بعد مرور عام و نصف علي تجربة المسرح ..
تغيرت شخصيتي الي الافضل .. تخلصت من العديد من العيوب ..
و لكن ..
الحنين الي الاصل ..
عرضو علي مرارا ان اعود الي الفن التشكيلي و لكني كنت ارفض .. و لكن في اختبارات النصف الاول لهذا العام .. حدثت مشادة كلامية بيني و بين والدتي .. تم علي اثرها اخراج جهاز الحاسب الالي من غرفتي نهائيا حتي اتفرغ للاستذكار و المراجعه .. فأقسمت اني لن اذاكر قبل مرور اسبوع .. و قررت ان اشغل وقتي في اي شيء غير ما يريدونه - العند الصعيدي - ولم اجد سوي الاصل .. الرسم
علي الفور اشتريت الادوات اللازمه و بدأت في رسم اللوحه التي تقبع في المعرض حالي
ا





...
ربما كان هذا الحادث بداية جيدة للتفكير في العوده ..حتي اصبح بالفعل
بتاع كلو

اكتشاف

سلام عليكم
نخش في الموضوع علي طول
الشخص اللي مش بيكون مر بتجربه عاطفيه او مش بيجيله احساس الميول لفتاه معينه ... يعني انه يحب واحده من الاخر .. بيكون غالبا حاطط مواصفات لشريكة حياته - اللي هي اصلا مش موجوده لسه - و بيبدأ انه يدور علي الشخصيه اللي فيها المواصفات دي .. ده اذا كان اصلا شاغل نفسه بالموضوع ده لأن الشخص ده بيكون علي الارجح مش واجع دماغه بالموضوع ده و سايب الايام هي اللي تديله اجابه .. لكن لما يقع الشخص ده في حب فتاه معينه بيكتشف حاجه مكانش واخد باله منها ..
ان الميول او العاطفه اللي عنده دي بتكون مالهاش اي علاقه بالمواصفات اللي كان حاططها .. و ممكن تكون الفتاه اللي بيحبها دي فيها مواصفات مضاده تماما للي هو عاوزو .. لكن مش قادر يتخيل نفسه هيتجوز بواحده غيرها !!
طب ده يبقي ايه ..!!
ده يثبت ان العاطفه دي مالهاش تفسير نفسي محدد .. بتبقي حاجه كده بيولوجيه .. صعب تحديد مصدرها و بتيجي ازاي وليه .. يعني محدش يقدر يقول انه بيحبها عشان كزا و كزا و كزا ...
اللي بيحب واحده بجد ... اسأله و قولو بتحبها ليه ؟
هيقولك : مش عارف .. والله معرف ..
ده تعرف انه بيحبها ... مش مجرد بعض الاسباب خلته يقرب منها ...
و ده الاكتشاف الاخير اللي اكشتفته الفتره اللي فاتت
انتظروني مع مزيد من الاكتشافات .. مع برنامجكم المفضل ... انعدام الوزن
محمد اسامه
اشرب الخروب يا سيدي


الخميس، مايو 03، 2007

اعتراف

انا خدعتكو كلكو .. و عملت مدونة تانيه
هع هع هع هع هع

السبت، مارس 17، 2007

عاوز احكي




طب والله عاوز احكي
بس مينفعش

انا لما عملت المدونة دي كنت عاملها عشان اصلا احكي و افضفض براحتي من غير ما اكون مقيد
بس الموضوع ده نحديدا مش عارف احكيه
و يمكن تكون المدونة دي اخر مكان ممكن اني احكي فيه الموضوع ده لاني مش عاوز حد يعرفه لأنه لسه موضوع
مش مؤكد
فاكرين البوست اللي كان بعنوان تخاطر العقول؟
اهو ده بقي نفس الموضوع
و علي فكره انا و صاحبي تاني يوم علي طول
عدا عليا عشان نتكلم
و اتكلمنا
و كشفنا الورق كلو قدام بعض و كل واحد عرف حوار التاني كويس اوي
و نفسي والله احكي
بس اعمل ايه
ده انا حتي مليش مزاج اضرب خروب
شفتو الموضوع وصل لايه ؟
و حتي مش قادر المح و لا ادي للموضوع اي عمق و لا اطار تخيلي و هسيب الناس تتخيل للصبح
و هقوم اشرب شاي عشان احتمال اخبط كمان بوست دلوقت
بس مش هحكي الموضوع اياه برضو

او
او


مخلاص بقي انت هتصاحبني

الأربعاء، مارس 14، 2007

قرار علي الحافة




مش عارف

بحاول اقنع نفسي اني زهقت من الراب
و ارجع اقول لأ
معقول هبطل ؟
بعد مشوار 6 سنين بغني راب و مقضيها و مولعها؟
بس اللي مخليني بدات اتخنق .. هي المنظومة نفسها
منظومة الراب المصري
مفككة و مش واضحة المعالم
و اكتشفت ان قمة الغلط .. اني فكرت اندمج و انفتح علي العالم ده
و خرجت من العزلة اللي كنت فيها
و بدات المشاكل
اكتشفت ان الوسط ده مليان بالعالم التافهه و ناس داخله لمجرد انها تشتغل ناس تانيه و حاجه تقرف
و قررت من فتره قريبه اني ارجع تاني لحالة العزله
و فعلا عملت ايميل تاني مخصص لصحابي بس و من غير اي حد له علاقه بالراب من قريب او بعيد.. لان ايميلي الاصلي بقي مليان بعدد مهول من السميعه و الرابريه و انا عاوز ابعد عن الحوار ده شويه خصوصا اني بقيت مش بعمل اغاني عشان استمتع لأ.. ده انا وصلت لمرحلة اني بعمل اغاني عشان انجز قبل ما غيري ينزل
طب ده كلام !!!
و انا مالي و مال غيري .. ما اللي ينزل اغاني ينزل .. المهم انا ابقي عامل الدماغ التقيله بتاعتي و بشرب الخروب بتاعي و االف وانا مزاجي عالي ..
و اللي يغني يغني .. و اللي يسمع يسمع .. ايزي يعني
و الحقيقه القرار ده مريحني بقاله فتره .. و مخليني خرجت من حاله الخنقه اللي كنت فيها ... لأني معنتش بقي بسمع تقييمات الاخوة الافاضل اللي كل واحد فيهم حاططني في دماغه و عمال يقيم كل خطوة اعملها

المهم
القرار اللي علي الحافه فعلا
هو اني اخلص الالبوم اللي جاي ده و انزلو


و ابطل راب خالص

و بدرس القرار ده
و المرة دي بجد




- صوت واحد بيشفط بؤ خروب -