السبت، نوفمبر ١٨، ٢٠٠٦

من اجل مصر


قرأت مقالة عن الراقصه الموقرة و واجهة مصر الحضارية الفنانه دينا
قالت دينا أن هؤلاء الذين يهاجمونها يضعون رؤسهم في الرمال ولا يريدون الاعتراف بالحقيقة وهي انها تؤدي دورا جليلا وعظيما لهذا البلد من خلال مشاركتها في حفلات الخارج بناء علي الدعوات التي تتلقاها سواء للمشاركة في حفلات ضخمة يحضرها كبار السياسيين والمسئولين والوزراء بالخارج أو من خلال المهرجانات الكبري بالاضافة لقيامها بالاشراف علي مدارس لتعليم بنات أوروبا الرقص الشرقي وبصريح العبارة كما تقول دينا: أنا سفير فوق العادة لمصر بالخارج والأجانب يأتون لمشاهدتي مثلما يشاهدون الأهرامات فنساء وبنات اوروبا وامريكا كما تقول يحضرن خصيصا لرؤيتها هى .
اصحو يا بشر .. شوفو الوطنية اللي علي حق
ايه يا بنتي انت وهي ؟ .. عماله تدرسي و تستني شهاده و تدوري علي شغل عشان تقبضي 200 جنيه و تبوسي ايدك وش و ضهر ... انت هبلة ؟
فين وسطك ؟... انت مش ليكي وسط ... مش ربنا خلق لك وسط ؟
و بعدين مصر يبقي شكلها ايه دلوقت قدام العالم لما يبقي دينا بس هي اللي شايله الرايه لواحدها
احفادنا يقولو علينا ايه ؟
متضيعيش وقت و شوفي اكل عيشك يا ماما
انا عن نفسي هتعلم اطبل
ما عليناااااااااااااااااااااااااااااااااااااااااااااااااااااااااااااااااااااااااااااااااا

12 Comments:

At ٣:٣١ ص, Blogger مصـ( الخير )ـعب said...

آه صحيح باعتبارنا أمة "وسطية" و إن الراقصة هي فتاة تؤمن بأن خير الأمور "الوسط"!!

يحرق يلعن يخرب يدمر يا جدع!

 
At ٢:٥٠ ص, Blogger dead man said...

بص يا سيدي لو احتاجت مساعد طبال أو أى حد يشيل العدة أبقى قولي
والى الأمام يا دينا

 
At ٧:٤٢ م, Blogger كراكيب نـهـى مـحمود said...

مدونتك حلوة جدا انا واقعه على الارض من الضحك اللي في منتهي النكد تعرفوا
اكيد تعرفوا بيوزعوه مع الخروب المهم
تعر فالبوست ده كان ناقصه ايه جمله خالدة زي ببتاعت السادات - شعبي يقول عليا ايه - لا مؤاخذة - عميل تحياتي
كراكيب نهى

 
At ٩:٣٠ ص, Blogger KING TOOOT said...

قرب قرب بص يا بيه
طنطك دينا بتعمل أيه
غرقانه في بحر الوطنية
شرقي و غربي و حتى باليه
قرب قرب بص و شوف
و بلاش نظرات الملهوف
العريان ده هدفنا القومي
و الوطنية مافيها كسوف
كل ما تقلع تنفع بلدك
و كمان تكسب مين بقى قدّك
طنطك دينا بتقول لك أقلع
و الوطنية حاتيجي لحدّك
بس يا طنط أنا عندي سؤال
من باب تسهيل الأستسهال
القلع الوطني حرام وللاّ
علشان وطني يبقى حلال ؟
_________________

 
At ١٠:٤٥ م, Blogger Mody Rap said...

انا شيلت ردك يا استاذ Ironcobra عشان كان فيه كلمة كده في الاخر مش طويسه بس عموما ردك جامد و شكرا علي مرورك في مدونتي

 
At ٨:٣٩ م, Blogger Ironcobra said...

على فكرة ماتفهمش تعليقي السابق خطأ , أنا بايدك تماما في ردك أعلاة عليها جملة و تفصيلا , أنا مش من الناس اللي عايزة تعمل متحررة و متفتحة و بتقعد تجاملها هي و اللي أسمة جاي أوف ذى صن عشان يبانوا ليبراليين و متفتحين , بس أنا {ايي أن الحا مع الناس دي هي تجاهلهم التام لأنك لو رديت عليهم بتحسسهم أن ليهم قيمة و بتخليهم يكسبوا تعاطف بعض المدعين .
لما دخلت و قريت مدونتك عجبتني جرأتك عشان كدة حطيت تعليق , otherwise لا ضرر و لا ضرار .

 
At ٨:٤٩ م, Blogger Mody Rap said...

متزعلش عشان مسحت الرد تاني بس هقولك ليه بكيل بمكيالين
لان مودنة امراه مثليه كانت كل الردود اللي قريتها فيها كلام قبيح و انا استنتجت بالضروره ان الانسه احبة المدونة مش معترضه علي ده والا كانت مسحت المليون رد القبيح اللي اتقال
عشان كده برد في كل مدونة حسب لوايح صاحب المدونة و انا في مدونتي محبش الردود اللي فيها كلام مباشر قبيح
ممكن تلمح بدون استخدام الفاظ

شكرا

 
At ٩:٤٣ م, Blogger Ironcobra said...

رغم أني مازلت غير مقتنع بسياسة الكيل بميكيالين ( لأنني أعتقد أن هذا نفاق , ولكنة أعتقادي الخاص الذي لا أفرضة على أحد و لا أستطيع أن أصنع منة قاعدة عامة ) , أنما ماعلينا كما ذكرت في تعليقي المحذوف , وأكدت أنت في تعقيبك هذة مدونتك و انت حر فيها , أنت الذي تضع قواعدها وكما يقول المثل " من حكم في مالة فما ظلم " .

 
At ٩:٤٧ م, Blogger Mody Rap said...

لو ركزت في كلامي هتعرف ان مش دي سياسه الكيل بمكيالين .. لكن انا مش بتسلط علي راي حد او كلامه
الفكره كلها اني برفض وجود الفاظ خارجه في مدونتي ولك حريه الكلام المطلق و التعبير عن رايك باقصي حد من الحريه

شكرا

 
At ١٠:٠٢ م, Blogger Ironcobra said...

أنت ترفض وجود كلام خارج في مدونتك , لكنك لا تمانع في أستخدامة !!!!! أنا مرتبك الأن ( أذا لم يكن هذا كيل بمكيالين فما هو الكيل بمكيالين أذن ).
عموما أذا عقبت على تعقيبي هذا فأنا لن أعقب على تعقيبك لأن الموضوع بكدة بدأ يتحول لجدل , وأنا أكرة الجدل لأنة لا يؤدي الى شئ هذا رأيك و ذلك رأيي وكلانا مقتنع برأية و يمكننا أن نتجادل حتى تعود البقرة الى المنزل كما يقول الأمريكان و لكن ذلك لن يؤدي الى شئ خصوصا لو كان الجدل حول موضوع فرعي ليس لة علاقة بالموضوع الرئيسي .
تحياتي .

 
At ١٠:٠٨ م, Blogger Mody Rap said...

لكل شخص اسلوب في التعليق و انا اسلوبي لا حدود له و احيانا استخدم الفاظا خارجه لكن ما اقصده هنا هو الالتزام باحترام صاحب المدونة و عدم تجاوز الحدود التي قد يعتبرها هو تعدي علي مدونته و منها ذكرت لك اسباب حذف الرد و عندما تحدثن عن ردي علي مدونة امراه مثليه ذكرت لك الاسباب لانها لم تمانع في ذلك و بالتالي فلا اجد ما يمنعني من التحدث بالحدود التي فرضتها هي علي مدونتها .
هذا بيت القصيد

 
At ١١:٢٦ ص, Blogger كراكيب عادل said...

انت خلتني احب الخروب انا ناسي امتي اخر مره شربته يمكن ست سنين اصل مفيش هنا منه في الكويت يا سيدي خليها تعبر عن نفسها وتعتبر نفسها اي حاجه بس هي من جوه ايه مرتاحه يعني معتقدش كفايه اننا بنقول عليها رقاصه رقاااااااااصه وبترقص خلي الرقص ينفعها بعدين

 

إرسال تعليق

<< Home