الجمعة، أكتوبر 27، 2006

الظاهر كبرت عالكلام ده


لأول مرة بفكر جديا اني اخش في علاقه عاطفيه مش فاهم ليه و مش فاهم هخش ازاي و الحوارات دي بتمشي ازاي
اصلاده انا عمري في حياتي ما خرجت مع واحده في موعد غرامي من يوم ما اتولدت نهاااااائي
بس كل اللي اعرفهم دخلو
معدا مقاطيع الشارع طبعا لأننا دافنينه سوا و كلنا شبه بعض
كل عيد حب - رغم عدم اقتناعي بيه - الاقي نص اللي اعرفهم يحكولي بقي عن الهديه اللي جتلهم و اللي ياخد رايي في الهديه و يقولي اجيبلها ايه و جابتلي مش عارف ايه
طب انا فين من ده يا جدعان
و ازاي دخلت ثانوي و جامعه و قربت اخلص و بقي عندي 22 سنه و معنديش اي تجارب
حتي لما غنيت راب اضطريت اعمل اغاني راب رومانسي كنوع من التنوع و التجديد مش اكتر لكن لا تعد سيره ذاتيه دي مجرد اغاني رومانسيه في اطار موسيقي الراب
الغرض من الكلام يعتبر غرض مزدوج ممكن يمشي في معني اني عاوز اجرب انا كمان و ممكن يمشي من زاوية التساؤل عن شيء مختلف بيحصل معايا و عاوز له تفسير
اكيد التوبيك ده له سبب مهو مش هيطلع من فراغ بس مش طالبه معايا اقولو دلوقت
كل اللي اقدر اقولو
ماعلينا

8 Comments:

At 3:19 ص, Blogger مصـ( الخير )ـعب said...

هههههههههه

أولا : ازايك يا باشا؟

أنت ما تعرفنيش أكيد، و لا أنا أعرفك غير من هنا .. من مدونتك..

بس حبيت فيك إني حسيت إنك شبهي .. أوي

واحد كان مسافر برة و رجع، و المفارقات الحياتية اللي بتحصل لك دي .. لغاية أما قريت الموضوع ده..

قلت لا بقى ده استقصاد..

ثانيا : ما تقلقش .. الموضوع هييجي لوحده.. من فترة كنت بأسأل زيك نفس السؤال.. و كانوا اصحابي بيسألوني نفس الأسئلة العجيبة دي..

أؤكد لك يا ابني .. أنت طبيعي .. أو على الأقل مش لوحدك اللي كده

انطلق يا فتى

بالمناسبة أنا حطيت لينك عندي لمدونتك
إن ما كامش يضايقك طبعا

 
At 7:48 ص, Anonymous غير معرف said...

بالنسبة للتعليق المدهش اللي تعبت نفسي و قراته بالصدفة البحتة عند واحدة مصرية بتاع أن الستات ماكنتش لابسة هوا معاليك مااخدتش بالك و أنت بتئرى البوست أن الستات كانت محجبة وبعضها بعابايات ولا جيت ترمي عبقريتك في التحليل وجريت
وهوا حدرتك أعمى لدرجة أنك مش شايف أن تلت تربع بنات المحروسة محجبين نظرا للضغوط الاجتماعية وأكثريتهم مش عن اقتناع ولا ايه نظامك في دي
ونبي ابئى بوص كويس بدل الكلمتين اللي أنت حفظهم دول وعفا عليهم الزمن
حاجة تضحك
محمد

 
At 7:55 م, Blogger Mody Rap said...

مصـ( الخير )ـعب
متشكر يا باشا
الحمد لله اني مش لوحدي يا زميل ههههه

خير خير

انا لسه مستني

و علي فكره واحد مره كان حكالي ان المواضيع دي انا مبعرفهاش يعني انا ممكن اكون هدف و في نفس الوقت معرفش اني هدف

قشطه

بالنسبه للتعليق التاني
انا مش فاهم صاحب البوست بيدافع عن ايه ؟
انت دلوقت عاوز تقول ايه ؟؟

شكرا

 
At 9:42 م, Blogger Mody Rap said...

كان ممكن تقول رأيك من غير الكام لفظ اللي قلتهم دول

لو رديت عليك بنفس الاسلوب .. مش هتبقي مدونة

 
At 5:57 م, Blogger ALiaa said...

لو داخل جد يبقي ربنا يوفقك يا بني.... و قوللي بقي لو في ارتباط رسمي و الكلام دا عشان أزغرط لك ها؟؟
:)

 
At 8:54 م, Blogger Mody Rap said...

الحكاية ان المحلات مليانه دباديب و ورد و مستلزمات عيد الحب اللي انا مش مقتنع بيه

انا قلت اجيب دبدوب احطه في البيت - قال يعني جايلي هدية

بس موضوع اني داخل جد .. منا معرفش

بقول عاوز بس

 
At 9:06 م, Blogger هيثم محفوظ said...

mody basha
a7'barak ih?
dy awel zyara
7elw el post dh
sadakny haygy lw7do bas enta syb nafsak we ma t7'fsh

 
At 9:50 م, Blogger Mody Rap said...

ايه يا عم هيثم انت فين
منور المدونة بتاعتي
بس تابعني بقي باستمرار

شكرا

 

إرسال تعليق

<< Home