الأربعاء، نوفمبر 08، 2006

يخلوك تكرهو


عمر خيرت
واحد من افضل الموسيقين اللي ظهرو في تاريخ الفن المصري المعاصر
و من الناس اللي الموسيقي بتاعتهم بتتكلم و متحسش انها محتاجه معاها غناء او صوت بشري لأن هي لوحدها بتحمل معني و عمق فكري
من اكتر الحاجات اللي خلت معظم الناس لا تميل كثيرا للاحتفاء بالراجل اللي مش واخد حقو في مصر
هي عرض الموسيقي بتاعته دايما في اطار يخيلك فعلا تكرهو
و خير مثال علي ده
القنوات الارضيه المصريه
و ده كان مخليني بكره الموسيقي بتاعه لفترات طويله في حياتي خاصة ايام الطفوله لأنها مرتبطه دايما في دماغي بالبرامج الممله بنت الكلب اللي بتتعرض علي القناة الاولي و التانيه و تلاقي برنامج خنيييييييق يجيب السل و الايدز و باديء بموسيقي عمر خيرت و الامثله كتير
دور كده علي اي برنامج مهبب و ممل من برامج القناة الاولي تحديدا لانها مميزه في الملل
هتلاقي دايما يجبك موسيقي عمر خيرت في الاعلانات اللي عباره عن سطور كلام وواحد بيقرا - الاعلانات ام 100 جنيه الاعلان - و شغال وراه موسيقي عمر خيرت
يعني شيء طبيعي جدا انك لازم هتكرهو
لكن لما بدأت افهم في الموسيقي وفي الفن و السينما بدأت نظرتي تتغير و بدأت اخد بالي من روعه و عذوبة الالحان و اخد بالي اكتر ان الراجل ده مظلوم في البلد دي و كفايه العقاب الازلي اللي اتوقع عليه
ان شغله يتعرض في القناة الاولي و التانيه في البرامج الخلابه اللي بيعرضوها
عندك مقطوعات زي :
العرافه و العطور الساحره
قضية عم احمد
غوايش
البخيل و انا
لابد من يوم محتوم
دي بعض الروائع اللي لازم تتسمع
يلا هروح اضرب خروب

6 Comments:

At 9:56 ص, Blogger Amy said...

هاى مودى دى انا ايمى عادل سورى كتير انى بكلمك بس البتاع مش شغال عموما ابقى بس طمنى عليك سلام

 
At 6:04 م, Blogger Mody Rap said...

انا الحمد لله يا ايمي و مستمر في الكتابه ان شاء الله

شكرا

 
At 3:21 ص, Blogger أشرف حمدي said...

ملاحظة مهمة فعلا
أحييك عليها
وماتنساش الموسيقي التصويرية بتاعة تنويه عن المفقودين في القناة التالتة !

 
At 7:46 م, Blogger كراكيب نـهـى مـحمود said...

عندك حق
تحياتي

 
At 10:50 ص, Blogger sally said...

مفيش هند رستم فى الموضوع ليه يا مودى

 
At 11:37 م, Blogger Ironcobra said...

أشطة عليك لأ دماغ .

 

إرسال تعليق

<< Home