قرار علي الحافة
مش عارف
بحاول اقنع نفسي اني زهقت من الراب
و ارجع اقول لأ
معقول هبطل ؟
بعد مشوار 6 سنين بغني راب و مقضيها و مولعها؟
بس اللي مخليني بدات اتخنق .. هي المنظومة نفسها
منظومة الراب المصري
مفككة و مش واضحة المعالم
و اكتشفت ان قمة الغلط .. اني فكرت اندمج و انفتح علي العالم ده
و خرجت من العزلة اللي كنت فيها
و بدات المشاكل
اكتشفت ان الوسط ده مليان بالعالم التافهه و ناس داخله لمجرد انها تشتغل ناس تانيه و حاجه تقرف
و قررت من فتره قريبه اني ارجع تاني لحالة العزله
و فعلا عملت ايميل تاني مخصص لصحابي بس و من غير اي حد له علاقه بالراب من قريب او بعيد.. لان ايميلي الاصلي بقي مليان بعدد مهول من السميعه و الرابريه و انا عاوز ابعد عن الحوار ده شويه خصوصا اني بقيت مش بعمل اغاني عشان استمتع لأ.. ده انا وصلت لمرحلة اني بعمل اغاني عشان انجز قبل ما غيري ينزل
طب ده كلام !!!
و انا مالي و مال غيري .. ما اللي ينزل اغاني ينزل .. المهم انا ابقي عامل الدماغ التقيله بتاعتي و بشرب الخروب بتاعي و االف وانا مزاجي عالي ..
و اللي يغني يغني .. و اللي يسمع يسمع .. ايزي يعني
و الحقيقه القرار ده مريحني بقاله فتره .. و مخليني خرجت من حاله الخنقه اللي كنت فيها ... لأني معنتش بقي بسمع تقييمات الاخوة الافاضل اللي كل واحد فيهم حاططني في دماغه و عمال يقيم كل خطوة اعملها
المهم
القرار اللي علي الحافه فعلا
هو اني اخلص الالبوم اللي جاي ده و انزلو
و ابطل راب خالص
و بدرس القرار ده
و المرة دي بجد
- صوت واحد بيشفط بؤ خروب -
posted by Mody Rap @ الأربعاء, مارس ١٤, ٢٠٠٧
4 comments
4 Comments:
هو انت لسه بتشرب الخروب
يا عم فينك من زمان بتختفي
عموما متنساش تقولي لما تنزل الالبوم
دماغك عجباني
مروق نفسك انت
أيه يامودي الكلام ده أنت تقلت في شرب الخروب ولا أيه.
أنت عارف القرار ده معناه أيه أنت بتحكم عالراب المصري الفناء مين حيكمل المسيره من بعدك مسيرة الحريه والدفاع عن الحقوق أنت نسيت أعمالك اللي أبهرت المئات من المصريين وغرهم وخلي بالك أنا مكنتش مشترك في البلوج كنت بقرا الموضوعات بس لكن لما لقيت الكلام ده قلت لازم أشترك وأرد المهم أنت بتقول التفاهه زادت لما انت تسيب الراب حتقل لأه طبعا بدل انت متقويمها و تحاول ترتقي بالراب المصري اكتر عايز تحكم عليه بالفناء. فكر وقرر
أزال المؤلف هذا التعليق.
بص يا حج مودي
لما القمه بتنهار و الاسطوره بتتكسر
و الاساس بتهدم و الفن يتجلخ
لما القمه تنكسر و الاعمده تتلوح
ساعتها يبأه مشروع فاضل
لما انت تسيب الراب مين هيغني ؟ يا راجل دنا بقالي 4 سنين بغني و معملتش ربع الي انت بتعملو ( ما شاء الله )
راجع نفسك .. انت الي ممكن تكمل المشوار ده .. و انت الي ممكن تكبر المجال
و انت برده الي ممكن تلغي المجال
تذكر :
مافيش جيش من غير قائد .. يا قائد :)
فكر تاني و اكيد هتلاقي حسابات صح و هتلاقي حسابات غلط
ارضي شهواتك الفنيه بكل هواياتك
يمكن انا مشفتلكش ادوار مسرحيه ولا فنيه في الرسم لاني تابعتك كا نجم ساط عرابر مصري عربي
بس دماغك دي هيا الي مخلياني واثق كل الثقه من قدراتك الفنيه في اي مجال
تقبل تعليقي
تـــحــــياتــــي
إرسال تعليق
<< Home