الجمعة، فبراير ٢٣، ٢٠٠٧

تخاطر العقول


ماشيين كلنا في الجامعة

رحت خدته في جنب و قلتله : انا عاوزك في موضوع ابقي فكرني نتكلم فيه
قاللي : ماشي .. و علي فكرة انا كمان عاوزك اكلمك في موضوع
قلتله : ماشي

طبعا انا فاهم الموضوع بتاعه و عارفه من غير ما يضطر يقول

في اخر اليوم جه يقوللي ايه الموضوع اللي كنت عاوزني فيه
قلتله : لأ ده موضوع كبير .. عاوز قعدة و روقان..بس انا حاسس انك مستنبطه
قاللي : اه .. انا حاسس اني عارف الموضوع بتاعك
قلتله : انا كمان مخمن الموضوع بتاعك
قاللي : يا سلام
قلتله : بص.. لو انا استنباطي لموضوعك صح .. يبقي انت استنباطك لموضوعي انا كمان .. صح
قاللي : تمام

سكتنا شوية و رجع قاللي

علي فكرة احنا كده قلنا كل حاجه و مش محتاجين نتكلم

5 Comments:

At ١٠:٢٣ م, Blogger كراكيب عادل said...

هييييييييييييييييه
انا اول واحد هيعلق

ده اسمه توافق يا مودي انا كاتب عنه

انا جيت هنا عن طريق تعليق ليك في مكان بس فطسني من الضحك بعدين اقولك التعليق ده كان فين


تحياتي مدونتك رائعه وانا خزنتك عندي وضيفت ليك لينك كمان

 
At ٣:٢٣ ص, Blogger Mody Rap said...

ياااه
تصدق يا عادل .. انا كنت قربت انسي ان فيه ركن في الاوبشن اسمو تعليقات

بالحضن يا راجل
ههههه

منور و هبقي اعدي علي مدونتك

 
At ٧:٠٩ ص, Blogger طهقان said...

تعالوا الانتوا الاتنين على جنب
عايزكم في موضوع

 
At ١٢:٠٢ ص, Blogger Amira Hassan said...

واضح انكم اصحاب اوي..اشطاط عليكم

بس جنب استنباط دي مين :)

 
At ٣:٣٦ م, Blogger princess dodo said...

على فكرة كلامك ليه معانى كتير اوى اوى
البوست ده عجبنى جدا
ومدونتك لذيذه خالص
انا سعيدة باكتشافها

تحياتى

 

إرسال تعليق

<< Home