الأحد، ديسمبر 31، 2006

جدية الفتيات


نزلت اصلي العشا
و بعدها قلت اعدي اعد في السيبر شويه
قاعد عالجهاز
بنات خنيقه كتير عاملين دوشه كعاده الحريم في كل مكان و زمان


فاطمة يا فاطمة بصي متقوليلوش اني قلتلك
يا مريم الحقي ده طلع عارفك
علي فكره هيكلمني دلوقت
يا سوسن احترمي نفسك عشان هو ميعرفكيش بقي بطلي
انا بس اللي اكلمو لو سمحتو


و انا عمال اكتب في المدونة و ارد علي موضوعات في منتديات و طبعا التركيز قشطه و كنت هكتب اللي بيقولوه في ردي علي موضوع سياسي في احد المنتديات

هي الفكره كلها في اختلاف الاجيال و توافقها مع المجتمع
و علي جيلي انا البنات اللي سني موصلوش للمرحله دي من التفاهه علي ما اعتقد
اينعم منهم التافهين ... لكن موصلوش حقيقي للمرحله دي
حاولت اقول ما علينا بصوت عالي بس لمحة وقار وقفتني
و قررت اسيب ام السيبر كلو و اروح اشرب خروب رغم ان في المنصورة حاليا

النار تتجمد


و ما علينا يا عم


لم يمهلوه


كنت مستني اصلي الفجر عشان اروح بعدها اصلي العيد .. بس طلبت معايا اريح عالسرير شويه و طبعا انتو عارفين الباقي
المهم صحيت علي اتصال من واحد صاحبي بيقولي مش هتروح تصلي العيد ولا ايه .. قلتله شويه و اعدي عليك .. عديت عليه قاللي اعدموا صدام
قلتله دلوقت ..؟؟
قالي من ساعه كده .. المهم صليت العيد .. و كنت بفكر في الموضوع ده طول السكه بعدها روحت قلت اقلب في المواقع ملقيتش حاجه و لما قلبت في المواقع الاجنبيه لقيت موقع السي ان ان عامل صوره لصدام مكتوب عليها صدام حسين 1937-2006 قلت خلاص اعدموه الاوساخ و بدات اقلب في باقي المواقع لقيت كلام متضارب عن اعدام برزان التكريتي او لأ لكن المؤكد فعليا هو اعدام صدام
بجد مزاجي اتعكر اول يوم العيد لأن المفهوم مش كوني بحب صدام او بكرهو
انا عموما مبكرهش صدام
لأن صدام زعيم عربي
ولو كان غلطان و لابد من محاكمته .. يبقي العرب اللي يحاكموه
امريكا تيجي لحد عندنا و تعدم زعيم عربي مننا و في مناسبه دينيه كمان اللي بيحرم فيها اصلا تنفيذ احكام الاعدام
او الكراهيه اللي بتصل للتحريم
ده يبقي معناه ايه
معناه واضح
امريكا بتقول للعرب
انتو تحت جزمتنا ....
ملهاش معني غير كده
رجعت بليل .. فتحت الكمبيوتر
وصلني كليب الاعدام ..
بدأ الكليب
صدام واقف .. راسخ ... ثابت و متماسك و رابط الجأش
بيعدل معهم الحبل .. قوي الشكيمه .. مش باين عليه الخوف
جسور في مواجهة الموت
بدأ يقول باعلي صوت
اشهد ان لا اله الا الله
و اشهد ان محمــ
لم يمهلوه ليكملها
ــــــــــــــــــــــــــــــــ
لا تدمع ايها العربي
تشبث بالله عز وجل
انتهت الاسطورة

الخميس، ديسمبر 28، 2006

لو لم تكن يسرا


اعجبتني مقالة في جريده الاهرام الصادره امس
منذ ان شاهدت الفيلم الموسيقي الجميل - قصة الحبي الغربي - الحائز علي شعر جوائز اوسكار للمخرج الكبير روبرت وايز و هذه النوعيه من الافلام المبهجة تستهويني
وبهذه الروح اقنعت نفسي قسرا ان اذهب الي فيلم - ما تيجي نرقص -لابناس الدغيدي بالرغم من ان اعلانه قد وشي بانه اقتباس من فيلم - هل نرقص - الامريكي و الذي لعب بطولته ريتشارد جير و جنيفر لوبيز و لم يمض علي عرضه سوي عامين فقط و هي فتره قصيرة جدا لا تشجع علي رؤية نسخه مصريه منه
و الاهم ان اغلب الافلام العالميه التي مصرناها ظهرت مشوشة الا في حالات نادرة و لم انتظر ان يكون فيلم ايناس الدغيدي من تلك الحالات ليس لصعوبة تمصير فيلم عن الرقص فالرقص لا يلعب في حياتنا نفس الدور الذي يلعبه في حياة الغرب و انما لانني اظن ان اغلب افلام ايناس الدغيدي تعاني تشوهات فكريه بين مفاهيم الحريه بمعناها الانساني الواسع عن الحياه و الحق و الواجب و المساواه و مفاهيم الحرية بمعناها الضيق المتعلق بالجسد و الغريزه و الشرف و العلاقه بين الرجل و المراه فتبدو الحريه عندها من باب كسر الافكار الرجعيه كما لو كانت حرية الجسد في ان يفعل به صاحبه - رجلا او امراه - ما يشاء وقتما يشاء
و هذا تشوه خطير يفسد معني الحريه لانه يحصرها في النصف السفلي من الانسان بنفس الدرجه التي يحصر فيها الرجعيون الشرف في النصف السفلي من المرأه
لكن حبي للافلام الموسيقيه غلبني علي مخاوفي و ذهبت الي دار العرض و بمجرد ان اطفئت الانوار و توالت المشاهد علي الشاشه الفضية رحت اقرص اذني و الوم نفسي علي ما صنعته قائلا هاهي السهرة قد افسدها سوء اختياري
بالطبع وجدت بعض المشاهد منقوله نقل المسطره من فيلم - جير و لوبيز - و التغيرات التي طرأت علي الشخصيات مفتعلة و ركيكه فـ - جون كلارك - المحامي في شيكاغو تحول الي -سلوي - رئيسة الشئون القانونية في القاهره و هكذا في بقية الشخصيات تحريفات تشبه الانحرافات المتعمده
ليس المهم ان السيده سلوي تهرب من قرف حياتها الي الرقص فهذه حرية شخصية لا نلومها عليها ولا يحق لنا التدخل في اختياراتها لكن ان تغلق علي نفسها باب مكتبها مع زميلها في الشركه و تامر سكرتيرتها بأن تقطع اتصالاتها تماما مع العالم الخارجي ثم يتدربان سويا علي الرقص فهذا مالم استطع فهمه او هضمه ليس لأن الشيطان هو الرفيق الثالث الوسواس في اجتماع رجل و امرأه في مكان مغلق لا اقصد هذا البته و لكن لان السيده سلوي و هي عاقل رشيد و مسؤوله عن اداره قانونيه تدرك طبيعه مجتمع العمل سواء في الشرق المتزمت او الغرب المتحرر ولا يمكن ان تغلق باب مكتبها في ساعات العمل و تهمل واجبات وظيفتها و هات يا - تدريب علي الرقص - فأي قيم عمل تريد ان تثبتها المخرجه ايناس الدغيدي فينا ؟
هل اهمال المراه لعملها و قضاء ساعاتها في الرقص هو جزء من حريتها الشخصيه .. لا يصح ان تتخلي عنه ؟
فعلا حاجه غريبه جدا
و استطيع ان اعدد عشرات المشاهد الغبيه من هذا النوع الرديء
مشهد صاحبه المدرسة الرقص سوزي مع مدرب الرقص و هي تراوده عن نفسه و هو في ثلث عمرها تقريبا .. سخافه ليس لها اي مبرر درامي ... سوي اثبات ان الغريزه هي اكبر دوافه السلوك و ان الانسان ينحط فور ضغط حرمانه علي مشاعره فتشتعل مشاعره الجنسيه و تنهار ارادته و يأخذ في وشه كل ما يقابله من قيم حتي يشبع هذه الغريزه دون تفكير او كرامه ..
و بالطبع كلنا يعرف ان ثمه علاقات مشوهه في اي مجتمع بين نساء عجائز زشباب لكن في سياق و احداث تبدو منطقيه و مبرره كما شاهدناها في فيلم صلاح ابو سيف - شباب امراه - لكن ان تطق الرغبه فجأه في جسد امره تبدو في السبعين من عمرها فتراود شابا في العشرينات عن نفسه ثم تنسي الموضوع تماما كأنه لم يحدث اصلا .. فهذا نوع جديد من الدراما المقصود به هو مشهد الاثاره نفسه
و هي نفس الاثاره الغبيه من وجود رجلين شاذين لا قيمة لها علي الاطلاق سوي ان المخرجه تريد ان تقول لنا ان الشواذ موجودين في مجتمعنا و علينا ان نعترف بهم
اما شخصيه الصعيدي و صاحبه السمين جدا فهما ملفقتين من البدايه الي النهايه .
لا اطيل عليكم .. كادت المخرجه ايناس الدغيدي تفسد سهرتي مع سبق الاصرار و الترصد لولا وجود يسرا بتالقها و حضورها و خفة ظلها و ادائها الرفيع فأنقذت بعضا من هذه السهره دون ان تنقذ الافكار المشوهه !!
انتهت المقاله و اترككم تعلقون بأنفسكم

الأحد، ديسمبر 24، 2006

واحد شاي


مطرب رومانسي
ايه الهبل اللي انت بتعملوا ده
مودي
ده انا بغني راب
مطرب رومانسي
هو انت بتسمي ده غنا ؟
مودي
هو مش غنا بالمعني المفهوم هو نوع من الفن يعتبر زي صرخه و معترك كلامي مميز بالتخلص من قيود اللحن و الارتباط بالكلمات الرومانسيه دوما
مطرب رومانسي
بس الرومانسيه هي الحياه
مودي
ده عندك انت .. جايز
مطرب رومانسي
ابقي قابلني بالراب و التنطيط بتاعك .. الرومانسيه هي الاحساس
شوف الكلمات المعبره .. بحبك و مبنامش الليل من حبك
مودي
ابقي نام شويه العصر يا خويا
مطرب رومانسي
و ايه اللي مش عاجبك في الرومانسيه
مودي
حد قال انها مش عاجباني .. انا بقولك في موضوعات تانيه اهم .. زي السياسه و الفلسفه و حاجات ممكن انها تتقال في اغاني لكن احنا خلاص خدنا علي الرومانسيه الحمضانه
مطرب رومانسي
طب متجيبلي واحد شاي علي حسابك
مودي
ارحل و لا تعد
واحد خروب يا باشااااااا
ما علينا

الثلاثاء، ديسمبر 19، 2006

قول يا منير


الكلمة ايد .. الكلمة رجل .. الكلمة باب
.الكلمة نجمة كهربية في الضباب
الكلمة كوبري صلب فوق بحر العباب
و الجن يا أحباب ما يقدر يهدمه
فاتكلموا .. اتكلموا .. اتكلموا
صلاح جاهين